Jimmy the Gixxer

Wia vorna schu erwähnt bin i da Jimmy. Gebora am 19.juli 1968 als 4da und letschi vu eba 4 Kinder. Das isch sicher a u schöna sunniga Tag gsi. Und wias so goht, han i gwüss grad kurz noch da Geburt mini Freihait müassa ufgeh. Döt sind so Sacha uf mi zua kho wia Kindsgi, Primar- und Sekundarschual. Und wias halt so isch, wenn ma Sprochafaindlich igstellt isch (do isch Sekundar - Fränzösisch und Romanisch schuld dra)
han i a Lehr im technischa Sektor gsuacht als Maschinenzeichner. D,sprocha wären jo schu schön gsi zum lerna. Doch das isch aiffach nit mis Ding.
Jo noch da Lehr han i für da Staat darfa go Feria macha in dr Infanterie. Das 17 Wucha lang. Das hät den au fürs erschta glanga.
Jo und so han i a paar Johr als Zeichner garbaitet bis i nüma im Büro schaffa han möga. So bin i 2 Johr uf da Bau. Isch a lässigi Zit gsi. Inzwüscha arbaiti schu jenschti Jöhrli als Konstrukteur. Mis Spezialgebiat isch Automation. Jo wia au immer.
Und wenn i nit am schaffa bin, denn bin i unterwegs. Meischtens am Töff fahra ( nu wenn schön und warm isch) Mit Fründin, Fründa uf Weg oder uf Bsuach bi minar Familia (dia muam ma öpa ärgara) Am obig den a biz uf Chur (kunnt au Mol vor) in Usgang oder im Dorf wo i dahai bin.
Und do no a paar Eckdata über mini Aigaschafta und was i so tuan ( guat oder schlecht)

Töfffahra, Feschta, Games (PS2/PS3 mit ma Amigo), Mola (Wänd und so), Zügla (mind.2 Mol pro Johr - für andri), A jo Feschta (schu wieder?),
süsch Helfa wo i kann, Gedicht schriba, Jogga ( au schu meh gsi), Velofahra ( au schu gmacht),schloffa ( nit wirklich lang), sehr pünktlich, Feria ( wär wieder fällig),

Putz nit gern, kaotisch ( nu a biz), egoistisch (gsunda), dominant (aber au nit immer). Meh kunnt mar jetzt nit in Sinn.
Abschlüssend mini Wisshaita

Lebe jeden Tag so, als wärs Dein letzter.

Die meiste Zeit verliert man, in dem man Zeit gewinnen will.

Wenn die Zeit kommt, in der man könnte, ist die vorüber, in der man kann.

jimmy66@bluewin.ch

News
Sit letscht Johr (2007) han i zvergnüaga, 4 Monat Schual zgeh. Ma nennt das ÜKZ - Kurs.
Das bedütat, dass i da junga angehanda Konstrukteura Kürs giba im Bereich Zeichentechnik und Konstruktionstechnik. Macht sehr vil Spass. Isch was anderes, als da ganz Tag im Büro. Dafür au vur Präsenz her vil aschtrengender.

So kann ma da 1. August
in da Feria fira!!